ഹിമത്തെക്കാൾ വെണ്മ !

നെൽപ്പാടങ്ങളിലെ  ചെളിക്കുണ്ടുകളിലാണവൾ ഓടിത്തുടങ്ങിയത്..

5 മക്കളുടെ വിദ്യാഭ്യാസത്തിന്  പരിമിതികളുള്ള ഇന്ത്യയുടെ ഉൾനാടൻ ഗ്രാമങ്ങളിലെ കുടുംബങ്ങളിലൊന്നിലാണവൾ വളർന്നത്..

മാസങ്ങൾക് മുൻപ് മുംബൈ നഗരത്തിലൂടെ നിഷേധിക്കപ്പെട്ട അവകാശങ്ങൾക്കായി ദിവസങ്ങൾ  നടന്നുനീങ്ങിയ,  ആയിരകണക്കിന് കർഷകരിൽ ഒരാളാണ് അവളെ വളർത്തിയത് ....

 ലോക അത്ലറ്റിക് ട്രാക്കിൽ ഇന്ത്യയുടെ ദേശിയ ഗാനം കേട്ട്  ഓരോ ഇന്ത്യക്കാരും   രോമാഞ്ചം കൊള്ളുമ്പോൾ    വീട്ടിൽ വൈദുതി ഇല്ലാഞ്ഞതിനാൽ സ്വന്തം കൂടപ്പിറപ്പ് രാജ്യത്തിന് അഭിമാനമായ കാഴ്ച കാണാൻ കഴിയാഞ്ഞ സഹോദരങ്ങളാണവൾക്കുള്ളത് ..

രാജ്യത്തു  വെറും 12 % ആളുകൾ മാത്രം  സംസാരിക്കുന്ന ഭാഷയിൽ   വെറും  18 വയസ്സുകാരിക്കുള്ള  വാക്ചാതുര്യം ഇതിനൊക്കെ  മുകളിലാകുമ്പോഴാണ്  നേട്ടങ്ങൾ 2 തട്ടിലാകുന്നത് ... ഒപ്പം മനുഷ്യരും

ഫെഡറേഷൻ പിന്നീട് ഔദ്യോഗിക അക്കൗണ്ടിൽ പരസ്യമായി മാപ്പ് പറഞ്ഞു ട്വീറ്റ്  ചെയ്തെന്നറിയുന്നു .സന്തോഷം 

അവളില്ലായ്മ !!

തെക്കേപറമ്പിൽ കൂട്ടിയ ചിതയിലെ തീ അണയാറായിട്ടേ ഉള്ളു.. പ്രതീക്ഷിക്കാതെ വെളിച്ചം അണഞ്ഞപ്പോൾ വിളക്ക് കൊളുത്താനായി ആരോ വന്ന് തീപ്പെട്ടി അന്വേക്ഷിച്ചതാണ്. അധികനേരത്തെ തിരച്ചിലിനൊടുവിൽ അവളില്ലായ്മയുടെ ശൂന്യത അവിടെ നിന്നും ഞാൻ അറിഞ്ഞുതുടങ്ങി....  ചെറുപ്പത്തിൽ സ്കൂൾ വിട്ടു വരുമ്പോൾ 'അമ്മ വീട്ടിൽ ഇല്ലെന്കിലുള്ള അതെ ശൂന്യത ......
ഒരു പുരുഷൻ നിസ്സഹായാനാകുന്നത് തന്നോട് ചേർന്ന് നിൽക്കുന്ന സ്ത്രീ ഇല്ലാതാവുമ്പോൾ ആണ്. ഒരു സ്ത്രീയോടൊപ്പം ആ വീടും മരിക്കുന്നു എന്ന് പറയുന്നതാവും ശരി .. അച്ഛനെക്കാൾ കൂടുതലായി അമ്മയുടെ മരണം ഒരു കുടുംബത്തെ ബാധിക്കുന്നത്പോലെ തന്നെ 
അടുക്കളയിലെ ഇളകിയ ജനാല എളുപ്പത്തിൽ തുറക്കുന്ന വിദ്യ .. പനിച്ചൂടിനെ പറപ്പിച്ചിരുന്ന ആ സ്പെഷ്യൽ ചുക്ക് കാപ്പി.... കാറ്റടിക്കുമ്പോൾ കെട്ടുപോകുന്ന പിന്നാമ്പുറത്തെ ബൾബ് തട്ടി കത്തിച്ചിരിന്നതിനു പിന്നിലെ സൂത്രം..

ഒരു സ്ത്രീ മരിക്കുമ്പോൾ ആ വീടിനെ വീടാക്കിയതെല്ലാം അവളോടൊപ്പം പോയിക്കഴിഞ്ഞിരിക്കും !! ......

ഇതാണ് 'ഇസ്സം' - 'റിയലിസം'

മനുഷ്യനെ മനുഷ്യനായി കാണാന്‍ ജാതി തെളിയിക്കുന്ന സര്‍ട്ടിഫിക്കറ്റോ, രാഷ്ട്രീയ പാര്‍ട്ടി അംഗത്വമോ വേണ്ട. സ്വയം മനുഷ്യനായാല്‍ മതി. അതാണ് യഥാര്‍ത്ഥ 'ഇസം'.. 'റിയലിസം' !! 

                               ഡോ. ഷാനവാസ് എന്ന മനുഷ്യന് ആദരാഞ്ജലികള്‍ !!

മോക്ഷമാഗ്രഹിക്കുന്ന ആത്മാക്കൾ

ചില ആഗ്രഹങ്ങൾ വീഞ്ഞ് പോലെയാണ്‌  ..പഴകും തോറും വീര്യമേറും !!

മോക്ഷമാഗ്രഹിക്കുന്ന ആത്മാക്കളെ പോലെ മനസ്സിന്റെ ഓരോ കൊണിലൂടെയും അതിങ്ങനെ അലഞ്ഞു തിരിഞ്ഞു നടക്കും. ഒടുവിൽ ഗതികെട്ട് ഹൃദയത്തിന്റെ ശവപ്പറമ്പിലേക്ക്.. അവിടെയാണ് പതിവായി ഞാൻ എന്റെ സ്വപ്നങ്ങളെ  കുഴിച്ചുമൂടാറ്‌.. ;p

മതം മാറ്റണം !!

മതപരിവർത്തനം   നടത്തണം  !!
മതത്തിൽ നിന്ന് മതത്തിലേക്കല്ല .. മതത്തിൽ നിന്ന് മനുഷ്യനിലേക്ക് .. മതം എന്തെന്ന് അറിയാത്ത  തലമുറയിലേക്ക്..

ഭ്രാന്തമായ ആത്മീയതയ്ക്ക് വേണ്ടിയല്ല, സ്വന്തം ആത്മാവിന് വേണ്ടി ജീവിക്കാം 

ജീവിക്കുക.. നമ്മുടെ സ്വപ്നങ്ങളിൽ

തെറ്റായ  വഴിയിലൂടെയാണവൾ പോകുന്നതെന്ന് ലോകം പറയും, ആ വഴി നിങ്ങളുടേതാണെങ്കിൽ.. ഒരു പക്ഷെ നിങ്ങൾ പരാജയപ്പെട്ടേക്കാം .. ആ പരാജയത്തിലും മനസ്സിന് ശരിയെന്ന് തോന്നിയ ഒരു പ്രവർത്തിയെങ്കിലും ചെയ്തു എന്ന ആത്മവിശ്വാസത്തിൽ മുന്നോട്ട് ജീവിക്കാം. 

 

നമുക്ക് ഓരോരുത്തർക്കുമുണ്ട് അവരവരുടേതായ ലോകം!! നഷ്ടപെട്ടേക്കാവുന്ന ഒരു വാക്കിനായി ഒരു സ്വപ്നം നഷ്ടപ്പെടാതിരിക്കട്ടെ !!  

        മനസ് തുറക്കുക .. ജീവിക്കുക.. നമ്മുടെ സ്വപ്നങ്ങളിൽ 

റിക്രൂട്ടിങ്ങ് ടു പരലോകം

പരലോകത്ത് പെർഫോർമൻസ് അനാലിസിസ്.. കഴിഞ്ഞ വർഷം ഏറ്റവും കൂടുതൽ ആളുകളെ നരഗത്തിലേക്ക് റിക്രൂട്ട് ചെയ്ത യമദേവന് ടാർഗെറ്റും കവിഞ്ഞ് റെക്കോർഡ്‌ നേട്ടം. കൂടുതൽ റിക്രൂട്ട്മെൻറ് നടന്ന കേരളത്തിൽ നിന്നും ഉപകാരസൂചകമായി ഒരു സമ്മാനം പരലോകത്തെക്ക്  കയറ്റി അയച്ചു.

അത്താഴ സദ്യക്ക് കൊഴുപ്പേകാൻ 12  ലോഡ് കോഴിയും 10 ലോഡ് താറാവും !!